Ihsasonline

செங்கொடியின் கற்பனை கோட்டையின் விரிசல்கள் வழியே

தொடர்-01

செங்கொடி தனது விமர்சனத்தை ஆரம்பிப்பதற்கு முன்னர் நுழைவாயில் எனும் தலைப்பினூடாக மத நம்பிக்கை பற்றியும்  அதன் வீரியத்தைப்பற்றியும் குறிப்பிட்டுவிட்டு, தான் இஸ்லாமிய கருத்துக்களை மறுப்பதற்கான அதாவது இத் தொடரை எழுதுவதற்கான காரணத்தையும் குறிப்பிட்டு இருக்கிறார்.

செங்கொடியின் நுழைவாயில் எனும் தொடரை பார்க்க இங்கே க்ளிக் செய்யவும்

இதன் பின்னர் பின்வருமாறு குறிப்பிடுகிறார்:-

மதப்பிரச்சாரக் கூட்டங்களுக்கு மக்கள் தேடிப்போய் கேட்பது குறைவு.மத விளக்க நூல்களை படிப்பது குறைவு.ஆனால் திரைப்பட நிகழ்ச்சியின் அல்லது விளையாட்டின் விளம்பர இடைவேளையில் தெரியாமல் இது போன்ற நிகழ்ச்சிகள் பார்வைக்கு வந்துவிட்டால் கூட இதன் தாக்கம் மக்களின் மனதில் இருக்கை போட்டு அமர்ந்துவிடுகிறது.

மேற்கண்ட பாராவில் இவர் குறிப்பிட்டுள்ள விஷயம் இவரது விசாலமான(?) அறிவை எடுத்துக் காட்டுகிறது.

இஸ்லாத்தைப் பற்றியும் முஸ்லிம்களைப் பற்றியும் எழுதப் புகும் ஒருவருக்கு அது குறித்த தெளிவான அறிவு இருக்க வேண்டும். முஸ்லிம்கள் இஸ்லாம் மார்க்கத்தை அறிந்து கொள்வதில் காட்டும் ஆர்வம் கூட இவரது கண்களுக்குத் தெரியவில்லை. புரட்சிகர மார்க்ஸியம் உரைகள் நிகழ்த்தும் கூட்டங்களில் பத்துப் பதினைந்து பேரைக் கூட்டி வைத்துக் கொண்டு உபதேசம் செய்யும் நிகழ்ச்சிகளைப் பார்த்து விட்டு இப்படித்தான் முஸ்லிம்களும் இருப்பார்கள் என்று எண்ணிக் கொண்டு எழுதிய அபத்தமே இது.

முஸ்லிம்கள் இஸ்லாத்தில் அதிக ஆர்வம் காட்டி முஸ்லிம் என்று தம்மை இனம் காட்டிக் கொள்கிறார்கள் என்றும் மேற்படியார் தான் இதைத் தொடர்ந்து எழுதியுள்ளார். முரண்பாடுகளின் மொத்த உருவமான புரட்சிகர மார்க்ஸியத்தின் பாதிப்பினால் தனக்குத் தானே முரண்படுகிறார்

மேலும் விளம்பர இடைவேளையில் பார்க்கும் நிகழ்ச்சி இருக்கை போட்டு அமர்ந்து விடுகிறது என்று அவர் கூறுவதிலும் அவர் அறியாமையின் மொத்த உருவமாக இருப்பதை அறியாலாம்.

ஈடுபாடு இல்லாமல், தற்செயலாக காதில் விழும் இஸ்லாமியக் கருத்துக்கள் மக்கள் மனதில் இருக்கை போட்டு அமர்ந்து கொள்கிறது என்றால் அது தான் இஸ்லாத்தின் உண்மைக்கு சான்று. அவ்வளவு ஆர்வம் காட்டாதவர்களின் காதுகளில் விழுந்தவுடன் ஈர்க்கும் அளவுக்கு இஸ்லாம் மட்டுமே உள்ளது.

மேற்படி இவரின் கூற்று முஸ்லிம்களுக்கு குறிப்பாக தவ்ஹீத்வாதிகளுக்கு அறவே பொருந்தாது! மதப் பிரச்சாரக் கூட்டமாயினும் சரி, மத விளக்க நூல்காளாயினும் சரி மக்கள் அதிகளவு ஈடுபாடு செலுத்துகின்றனர்.அது மட்டுமல்ல! நேரடி கேள்வி-பதில் நிகழ்ச்சிகளில் கூட மக்கள் கூட்டம் கூட்டமாக கேள்விகேட்க செல்வதும் குறிப்பிடத்தக்கது. அத்தோடு இன்னுமொன்றையும் குறிப்பிடவேண்டியுள்ளது. திரைப்படமோ அல்லது விளையாட்டு விளம்பர இடைவேளையின் போதோ இஸ்லாமிய நிகழ்ச்சிகள் பார்வைக்கு வருவதில்லை!(அவ்வாறு வந்தால் குறிப்பிடவும்) ஏனைய மத நிகழ்ச்சிகள் அதுவும் அத்தொலைக்காட்சி நிறுவனத்தினர் நடத்தினால்(அதுவும் விஷேட தினங்களில்) மாத்திரமே வெளிவரும். விளாம்பர இடைவேளைகளில் அதிகமாக அனுசரனையாளர்களின் விளம்பரமே இடம்பெறுகிறது என்பதையும்  அறிந்து கொள்ள வேண்டும்! ஆக இவ்வாறான இவரது கூற்று ஏனைய மதத்தினருக்கு பொருந்தினாலும் முஸ்லிம்களுக்கு பொருந்தவே செய்யாது!.

அடுத்ததாக,

அரசு, பயங்கரவாதத்தினால் பாதிக்கப்படும் போது அவர்களின் மத அடையாளமே முன்னிறுத்தப்படுகிறது. இதனாலும்,அவர்கள் மதத்தின் தழுவலில் கட்டுண்டு கிடக்க ஏதுவாகிறது.இதனடிப்படையில் அரசியல் விழிப்புணர்வு என்ற பெயரில் அணிதிரள்வது அதிகரிக்கிறது. ஒரு வகையில் இது இந்து பாசிசங்களுக்கும் தேவையாகும் உதவியாகவும் இருக்கிறது. அந்த வகையில் இந்து பாசிசங்களுக்கு உதவும் இஸ்லாமிய ஒருங்கிணைவை தடுத்து வர்க்க அடிப்படையில் சமூக போராட்டங்களில் அவர்களையும் இணைத்து முன் செல்ல வேண்டிய அவசியமிருக்கிறது. அதற்கு அவர்களின் மத நம்பிக்கையை மதப்பிடிப்பைகேள்விக்குள்ளாக்குவது முன் நிபந்தனையாகிறது.

பொதுவாக பாதிக்கப்பட்டால் பொதுவாக அடையாளப்படுத்துவதும், முஸ்லிம் என்ற காரனத்துகாக பாதிக்கப்பட்டால் அதை அடையாளப்படுத்துவதும் அறிவுடையோரின் செயல் தான்.மின்சாரம் இல்லா விட்டால் அதற்காக முஸ்லிம் அடையாளத்துடன் முஸ்லிம்கள் போராடியதில்லை. வகுப்புக் கலவரத்தில் பாதிக்கப்பட்டால் முஸ்லிம் என்ற காரணத்துக்காகவே அந்த பாதிப்பு இருப்பதால் அதை அடையாளப்படுத்தாமால் வேறு எதை அடையாளப்படுத்துவது? அறிவோடு தான் இவர் எழுதுகிறாரா?

இந்தச் சாதராண அறிவு கூட இல்லாதவர் விமர்சனம் செய்வதற்கு தகுதி அற்றவராகிறார்.

அரசியல் விழிப்புணர்வுகள் இந்து பாசிசத்திற்கு தேவையகவும் உதவியாகவும் இருப்பதாக கூறுகிறார்.இது எவ்வாறூ உதவியாக இருக்கிறது என்பதை சற்று விளாக்கினால் நன்றாக இருக்குமே!. அது மட்டுமல்லாமல், போகிறபோக்கில் சமூக போராட்டங்களில் ஈடுபட முஸ்லிம்கள் அவர்களது மத நம்பிக்கையையும்,மத பிடிப்பயும் கேள்விக்குள்ளாக்க வேண்டும் எனவும் குறிப்பிடுகிறார். இதில் துளியளவு கூட உண்மயில்லை.இதற்கு எடுத்துகாட்டாக ஜூலை 4 மா நாட்டை குறிப்பிடலாம்.இதன் தாக்கம் பிரதமர் வரைக்கும் சென்றதை அறிந்திருபார். இதை முஸ்லிம்கள் மத நம்பிக்கையை கேள்விக்குள்ளாக்காமலேயே சாதித்து காட்டியுள்ளனர். எதிர்வரும் ஜனவரி 4 மாநாடும் இன்ஷா அல்லாஹ் அவ்வாறு  அமையும் என்பதில் சந்தேகமில்லை. இது போன்ற சமூக போராட்டங்களை மத நம்பிக்கைக்கு எதிராகவும் தடையாகவும் இருந்தால்தான் கேள்விக்குள்ளாக்க வேண்டும். இதை இஸ்லாம் தாரளாமாக அனுமதிக்கும் போது எதற்காக கேள்விக்குள்ளாக்க வேண்டும்?

இறுதியாக மற்றொரு விடயத்தையும் குறிப்பிடுகிறார்:-

அரபு தேசிய வாதம், அரபு மார்க்ஸியம் என்று இஸ்லாமிய இறையியலை விட்டுக்கொடுக்காமல் தத்துவம் பேசியவர்கள் எல்லாம் இன்றைய நிதி மூலதனத்தின் முன் முனை மழுங்கிய வாளாக செயலற்றிருக்கிறார்கள்.புரட்சிகர மார்க்ஸியமே இன்றைய சமூக தேவையாக இருக்கிறது என்பதை உணர்த்துவதற்கும் இத்தொடர் பயன்படுமென நம்புகிறேன்.

மார்க்ஸியத்தை விட இவரது புரட்சிகர மார்க்ஸியம் எந்த அளவுக்குமுணை மழுங்கியுள்ளது என்பதை அவர் இந்த தலைப்புக்குள் நுழையும் போது தோலுரித்துக் காட்டப்படும்.

மேலும்,இதன் மூலம் அரபு தேசிய வாதம், அரபு மார்க்ஸியம் என்பவை இஸ்லாமிய இறையியலாக சித்தரித்து காட்ட முற்படுகிறார். அரபு தேசியவாதம் என்பதும் அரபு மார்க்ஸியம் என்பதும் இஸ்லாமிய இறையியல் கிடையவே கிடையாது என்பதை புரிந்துகொள்ளவேண்டும். இவரது புரட்சிகர(?) மார்க்ஸியமே இன்றைய சமூக தேவை என்பதை எவ்வாறு உணர்த்தப்போகிறார் என்பதை பொறுத்திருந்து பார்ப்போம்.

                                                                                                                                                வளரும் இன்ஷா அல்லாஹ்